طبق الكمونية (بالكبدة وقطع الدجاج ) ام وليد

طبق الكمونية ( بالكبدة وقطع الدجاج ) ام وليد باسهل طريقة واسرعها .

مكونات الكمونية  ( بالكبدة وقطع الدجاج )ام وليد :

• 500 غرام من الكبدة .
• قطع من اللحم او الدجاج .
• 5 مغارف من الزيت .
• و حبة بصل مرحية .
• مغرف ونص كلبرة انتاع طماطم مصبرة .
• 1/2 نص مغرفة هريسة .
• 2 مغارف توابل .
• مغرف انتاع كمون .
• 1/2 نص مغرف فلفل احمر .
• مغرفة صغيرة قرفة .
• مغرفة صغيرة انتاع جوزة الطيب .
• فلفل اكحل .
•  رشة ملح .
• زيتون احضر.

طريقة  تحضير الكمونية بالكبدة وقطع الدجاج :

- نقطعوا الكبدة مورصوات صغار و نروحو نقلوها في الزيت ونحطوها في جيهة .
- بعد ما نحي الكبدة نخلي الزيت اللي قلينا بيه في المقلة باش نقلو بيه مورصوات الدجاج مع اضافة حبة البصل والثوم والتوابل الاخرى من بعد نزيد لهاذ المكونات الطماطم المصبرة والهريسة للتمريق .
- نضيفو الكبدة المقلية اللي بدينا بيها في  المرة الاولى  نضيفوها  للدجاج اللي طيبناه ونزيدولهم الزيتون الاخضر والكمون و نخلوها فوق نار هادية .
- من بعد نطفوا النار ونضعها في صحن التقديم .
- واذا حبيتي تزينيها زيديلها شويه انتاع القصبر و قارص .
- وشهية طيبة