حلوة الخاتم ام وليد

طريقة تحضير حلوة الخاتم ام وليد باسهل وصفة .

مكونات حلوة الخاتم ام وليد :

• 250غ مارغرين طرية
• 1 بيض
• 1 صفار بيض
• 2 م ك حلوة الترك
• 1/2 كأس كوكاو محمص
• 1/2 كأس جلجلان محمص
• 1 كأس سكر ناعم
• 1/4 كأس زيت
• 1/2 كيس خميرة الحلويات
• 1 م ص فانيليا
• فرينة
• شوكولا
• مربى و جوز الهند للتزيين
• سوبر كريم 

طريقة تحضير حلوة الخاتم ام وليد :

نطحن الكوكاو مع الجلجلان و السكر الناعم ثم نخلطهم مع المارغرين و الفانيليا و الزيت و البيضة و صفار البيضة و حلوة الترك حتى نتحصل كريمة .

نضيف الفرينة و خميرة الحلويات و نجمع الخليط بالاصابع فقط حتى نتحصل على عجينة طرية .

نفتح العجينة سميكة قليلا بين كيسين بلاستيكيين ثم نقطعها بطابع الخاتم و نضع الحبات في صينية فرن فيها ورق طهي

ندخلها للفرن على 180 درجة حتى تطيب و تأخذ لون ذهبي .

نقطع الشوكولا قطع صغيرة ثم نذوبها في حمام مائي

نملئها في قوالب الخاتم ثم نضعها في الثلاجة حتى تبرد

ننزعهم من القوالب و ننزع منهم الشوكولا الزائدة ثم ندهنهم بملمع غذائي بلون برونزي او ذهبي او فضي .

ندهن حبة الحلوة من الاطراف و من الاسفل بالمربى ثم نغلف الاطراف بجوز الهند و نلصق خاتم الشوكولا في الوسط

ثم نملئ وسط الخواتم بالسوبر كرام ذوق فراولة .

بالصحة و الهنا