حلوة صبيعات بحلوة الترك ام وليد

طريقة تحضير حلوة صبيعات بحلوة الترك ام وليد باسهل وصفة

 

مكونات حلوة صبيعات بحلوة الترك ام وليد :

• 500غ مارغرين طرية
• 1 كأس سكر ناعم
• 2 خميرة الحلويات
• 1 م ك فانيليا
• 130غ حلوة الترك
• فرينة
• مقادير التزيين:
• 500غ كوكاو محمص و مطحون
• 1 علبة مربى المشمش
• 1 علبة (130غ) حلوة الترك

طريقة تحضيرحلوة صبيعات بحلوة الترك ام وليد :

نخلط المارغرين مع السكر الناعم و الفانيليا ثم نضيف حلوة الترك و نواصل الخلط حتى يندمجوا مع بعض, بعد ذلك نضيف الفرينة و خميرة الحلويات و نجمع الخليط حتى نتحصل على عجينة طرية .

نشكل العجينة على شكل اصابع و نضعها في صينية ثم ندخلها للفرن على 180 درجة حتى تأخذ لون ذهبي ثم نتركها تبرد جيدا قبل نزعها من الصينية .

للتزيين نفتح الحلوة الترك جيدا ثم نخلطها مع كمية من المربى حتى تصبح كريمة ثم نضيف باقي كمية المربى و نواصل الخلط حتى يندمجوا مع بعض .

ندهن حبات الحلويات بخليط التزيين ثم نرمدهم في الكوكاو المحمص و المطحون ثم نضعهم في قوالب ورقية طويلة

بالصحة و الهنا