حلوة البيض ام وليد

حلوة البيض ام وليد

مقادير حلوة البيض ام وليد :

• 250 غرام مارغرين طرية .
• 2 حبات بيض .
• 60 غرام سكر عادي .
• 100 غرام مايزينة .
• فانيليا .
• نصف كيس خميرة الحلوة .
• الفرينة .
• حلوة الترك ملون . 
• برتقالي اللون .
•  شيكولا بيضاء .
• ماكري ذهبي اللون .

طريقة تحضير حلوة البيض ام وليد :

1 - في وعاء نحكم نخلط كل من 250 غرام مارغرين و 2 حبات بيض و 60 غرام سكر هادي و100 غرام مايزينة وفانيليا ونصف كيس خميرة الحلوة ونجمع بالفرينة حتى نتحصل على عجينة طرية .

2 - العجينة نمسك منها قطع بوزن 30 غرام ونكورهم .

3 - نحشي الكريات بحلوة الترك مع اضافة ملون برتقالي للحشو .

4 - نطيبهم في مول السيبيكون تاع بيضة و نتركهم يبردو مليح .

5 - نطاي المول بشكولا بيضاء بدون مانضيف اي شئ .

6 - نحط الحبات الداخل نضغط عليهم قليلا ونتركهم حتى يتجمدوا واخيرا نزبمو لمتكري ذهبي .

7 - نحكم ورق الطهي بني اللون ونمرروا في المشينة في تاع الرشتة باش نتحصل على العش .

في الاخير نتنى انو هاذي الوصفة والوصفات السابقة تكون قد نالت اعجابكم و صحا عيدكم .